Məktəbi Tanıdaq (İlk bloq yazısı)

  Lənkəran şəhər 7 №-li tam orta məktəbi rayonun qabaqcıl təhsil müəsisələrindəndir.
Məktəb uğurlarını ildən-ilə artırır.Təhsil yeni tələblərə uyğun qurulmaqla məktəbda nizam-intizam yüksəlmiş,tədrision keyfiyyəti yaxşılaşmışdır.Bu istiqamətdə işlər davam edir.
  Məktəb 1921-ci ildən fəaliyyət göstərir.İlk illərdə şəhərin "FORŞTAT" adlana məhəlləsində,indiki Heydər Əliyev prospektində birmərtəbəli binada yerləşmişdir.1948-ci ildə ibtidai,1978-ci ildə yeddiillik,1979-cu ildə orta məktəbə çevrilmişdir.1981-ci ildə indiki binaya köçmüşdür.

   Məktəbin ilk direktoru İman Əliyevdir (1921).Sonrakı illərdə Aleksandr Andreyeviç Kolyagin (1922-1930),Ağahüseyn Babayev (1930-1940),Olqa İvanova Konovalova (1940-1947),Cümşüd Ələkbərov (1947-1950),Qurban Quliyev (1950-1955),Əliağa Həbibov (1955-1963),Şalı Canıyev (1964-1982),İman Mikayılov (1983-1985),Kamal Axundov (1985-1989),Aydın Məmmədov (1989-2000),Şəmsəddin Canıyev (2000-2003),Sərxan Kərimov (2003-2011),Ülviyyə Əliyeva(2011-2020) məktəbin direktoru işləmişlər.  2020-ci ildən isə məktəbə direktor əvəzi olaraq təcrübəli pedaqoq  Səadət Kazımova rəhbərlik edir.
    Bu gün məktəbdə təhsilin məzmunu milli ideologiyamıza uyğun qurulmuşdur və mənəvi tərbiyənin başlıca amili kimi ilk növbədə dövlətçiliyimizə,müstəqilliyimizə xidmət edir.Tarixi günlərdə Şəhidlər Xiyabanını,1981-ci il mart soyqırımı və iki dəfə Sovet İttifaqı Qəhrəmanı,tank qoşunları general mayoru Həzi Aslanovun abidəsini ziyarət etmək,qəhrəmanın ev muzeyinə,rayonun tarixi yerlərinə getmək şagirdlərdə doğma yurda,torpağa,əməyə məhəbbət ruhunun aşılanmasında mühüm rol oynayır.Böyük Vətəön müharibəsi və Qarabağ müharibəsi veteranları,ziyalılkar,əmək qəhrəmanları ilə görüşlər unudulmaz xatirəyə çevrilmişdir.
  Təhsil ocağında qabaqcıl təcrübənin öyrənilməsinə,yayılmasına böyük diqqət yetirilir.Məktəbin qabaqcılları müzakirə mövzusuna çevrilir.Fənn metodbirləşmə iclasları müxtəlif aktual məsələrlə bağlı daha canlı keçməsi ilə fərqlənir.İclaslarda müəllimlərin öz dərslərini necə qurmaları,əldə etdikləri yeniliklər,çatışmayan cəhətlər obyektiv qiymətləndirilir.

Hər il ali və orta ixtisas məktəblərinə yüksək balla daxil olanlar arasında məktəbin məzunları da vardır.